La mazurka souto li pin

---

Refrin: Venès, que l'ouro s'avanço,
Es fèsto au mas d'Escanin.
La mazurka, gènto danso,
La faren souto li pins. (bis)

Galanti chatouno, Amourous jouvènt,
La roso boutono, Ansi nous counvèn.
Aujourd'uei qu'es fèsto, Anen la culi,
Qu'en danso moudèsto Devèn trefouli.

Lou bèu musicaire Ben estigança,
Fau que tarde gaire, Déuriè coumença.
Devers lis Aupiho, Vès lou tambourin,
Aco nous reviho E nous met en trin.

Coulourido o palo, Dins l'èr perfuma,
Lis man sus l'espalo, Quau pòu nous bleima ?
Dansant en mesuro, Lis iue di parènt,
Souto la verduro, Res nous dira rèn

La font de l'Arcoulo Que coul' à grand rai,
L'auro ié ventoulo Li pib' e li frais ;
Au riéu que clarejo En coulour d'argènt,
Ges d'àutris envejo Que bèur' au sourgènt.

Oh ! que saren bello, Dins lou fres valoun,
Largant li trenello De nòsti péu blond
En floutant à rèire. Li jouvènt, alor,
É li creiran vèire De garbello d'or.

La danso finido, Vendren à parèu
Dedins la bastido, Souto lou castèu.
En rejouissènço, Bèuren lou muscat
Pèr la souvenènço De la mazurka

---